ناصر حسین شاہ کے پاس ورکس اینڈ سروسز، آبپاشی، مذہبی امور اور محکمہ جنگلات کے قلمدان تھے۔
کراچی: سندھ کے سینئر وزیر سید ناصر حسین شاہ نے وزارت سے استعفی دے دیا ہے۔ ذرائع کے مطابق ناصر شاہ وزیر اعلیٰ ہاؤس پہنچے جہاں انہوں نے وزیر اعلیٰ سندھ مراد علی شاہ سے ملاقات کی اور اپنا استعفی انہیں پیش کیا۔ قواعد کے تحت وزیراعلیٰ سندھ ناصرشاہ کا استعفی منظور کریں گے۔
سابق وزیر کا کہنا ہے کہ ناصر شاہ کا کہنا ہے کہ پارٹی قیادت کا ہر فیصلہ قبول ہے، دوسری جانب ناصر حسین شاہ کے اچانک استعفے سے پیپلزپارٹی کے کئی وزیر نا صرف بے خبر بلکہ پریشان بھی ہیں۔ واضح رہے کہ ناصر حسین شاہ کے پاس ورکس اینڈ سروسز، آبپاشی، مذہبی امور اور محکمہ جنگلات کے قلمدان تھے۔