محکمہ توانائی کا نیا پلان،نوے ہزار لائیٹس اورپنکھے پھر سے تبدیل ہوں گے

محکمہ توانائی پنجاب نے بجلی کی بچت کا نیا پلان تیار کرلیا ۔۔۔ صوبے کے نوے ہزار اداروں میں لگی لائیٹس اور پنکھے پھر سے تبدیل ہوں گے۔۔۔۔ پروگرام دوہزار تئیس تک چلایا جائے گا۔۔۔

پنجاب گرین ڈویلپمنٹ پروگرام کے تحت عالمی بینک تین ارب تہتر کروڑ روپے دے گا ۔سرکاری اسکول ، کالجز ، یونیورسٹیز ، سرکاری محکمے ، ضلعی حکومتوں کے دفاتر اور کارپوریشن سمیت یونین کونسلز اوردیگر تمام ادارے شامل ہوں گے۔۔ محکمہ توانائی کے مطابق پروگرام کو دوہزار تئیس تک چلایا جائے گا ۔۔۔ پنجاب کی صوبائی محکموں پر بجلی کے بلوں کے اخراجات بڑھنے کے باعث دس لاکھ لائٹس، دو لاکھ پچیس ہزار پنکھے تبدیل کیے جائینگے جو انرجی سیونگ سے آراستہ ہونگے ۔۔ اس سے قبل جی سی ینورسٹی میں بھی چار ہزار چھ سو لائٹس اور ایک ہزار چار سو چھبیس پنکھے تبدیل کیے گئے ہیں