پاکستان ریلوے کی انتظامیہ کا کہنا ہے کہ ایندھن کی بڑھتی قیمتوں کے باعث کرایوں میں اضافہ کیا گیا ہے اور آئندہ مالی سال میں ریلوے کو تین سے چار ارب روپے کے خسارے کا اضافی بوجھ برداشت کرنا پڑے گا۔
ریلوے نے مختلف کمپارٹمنٹ کے کرایوں میں 2 سے 8.5 فیصد تک اضافہ کیا ہے۔ 50 کلومیٹر تک کے سفر پر کرایوں میں کوئی اضافہ نہیں کیا گیا، اکانومی کلاس کے کرایوں میں 100 روپے سے کم اضافہ کیا ہے اور سیلون کے کرایوں میں 8 فیصد اضافہ کیا گیا ہے، جبکہ تمام اسپیشل ٹرینوں کے کرایے قراقرام ایکسپریس کے کرایے کے برابر رکھے گئے ہیں۔
