کراچی: کراچی سمیت سندھ بھر کے نرسوں نے پریس کلب پر سندھ حکومت کے خلاف مطالبات کی منظوری کے لیے احتجاج دوسرے روز بھی جاری رکھا۔
کراچی کے سول، جناح، این آئی سی ایچ، این آئی سی وی ڈی، سندھ گورنمنٹ اسپتال کورنگی نمبر پانچ، لیاری جنرل اسپتال اور دیگر سرکاری اسپتالوں کی نرسوں نے اسپتالوں کے حساس شعبہ جات انتہائی نگہداشت وارڈ (آئی سی یو) اور آپریشن تھیٹر کے علاوہ وارڈز اور شعبہ جات کا بائیکاٹ کردیا۔
نرسوں نے صبح 9 بجے پریس کلب پہنچ کر سڑک پر دھرنا دے دیا، نرسوں کے احتجاج کے باعث سرکاری اسپتالوں میں علاج کی غرض سے آنے والے غریب مریض رل گئے۔
