لاہور: تاجر رہنما نعیم میر کا کہنا ہے کہ ملک بھر کی تمام تاجر تنظیمیں 15 ، 16 اور 26 ، 27 اگست کو ملک بھر میں مکمل شٹرڈاؤن ہڑتال کریں گی۔ اس ہڑتال کے لیے تمام تاجر تنظیموں نے مکمل اتفاق کیا ہے۔
نعیم میر نے مزید کہا کہ حکومت کی من پسند فکسڈ ٹیکس اسکیم قبول نہیں، ریٹیلرز کی مشاورت سے اسکیم جاری کی جائے، نئی ٹیکس اسکیم تک ہمارا احتجاج جاری رہے گا، مطالبات نہ مانے گئے تو عاشورہ کے بعد غیر معینہ مدت کے لئے ہڑتال ہو گی۔
دوسری جانب فیصل آباد کی تاجر تنظیموں نے مشترکہ پریس کانفرنس میں سیلز ٹیکس اور شناختی کارڈ کی شرط کے خلاف شٹر ڈاؤن ہڑتال کا اعلان کرتے ہوئے کہا کہ تاجر تنظیموں کے تمام دھڑے اس پر متفق ہیں
تاجر رہنماؤں نے مزید کہا کہ شناختی کارڈ پر خرید و فروخت نہیں کریں گے، ایف بی آر کی ٹیمیں مارکیٹوں میں آئیں تو ان کا گھیراؤ کریں گے۔
