لیگی ایم پی اے پر اپنی یونیورسٹی کی طالبہ سے زیادتی کا الزام، ملزم ملک سے فرار

ملتان: پی پی 210 ملتان سے مسلم لیگ ن کے ایم پی اے حاجی عطاء الرحمان کے خلاف طالبہ سے زیادتی کا الزام،ملزم ایک سال تک وڈیوز بنا کر بلیک میل کرتا رہا

علاقہ مجسٹریٹ ملتان کو درخواست دیتے ہوئے طالبہ نے موقف اختیار کیا ہے کہ وہ لاہور کی رہائشی اور این سی بی اے ای یونیورسٹی میں ایم ایس سی ایس فرسٹ سمسٹر کی طالبہ ہے

یونیورسٹی مالک ایم پی اے حاجی عطاء الرحمن کی این جی او پی ایچ ڈی ایف میں ایک سال سے ملازمت کررہی ہوں ، 11 ماہ پہلے ایم پی اے عطاء الرحمن نے کام کا بہانے نامعلوم مقام پر لے جاکر زیادتی کا نشانہ بنایا اور وڈیو بھی بنا لی

حاجی عطاء الرحمان دھمکی دیتا رہا کہ اگر کسی کو بتایا یا کوئی قانونی کارروائی کی تو ویڈیو سوشل میڈیا پر وائرل کردوں گا

طالبہ نے بتایا کہ ایم پی اے حاجی عطاء الرحمان بلیک میلنگ کرتے ہوئے 11 ماہ تک زیادتی کرتا رہا اور اس کی ویڈیو بنا کر واٹس ایپ بھی کرتا رہا، ملزم نے زبردستی بدفعلی بھی کی جس سے اس کی طبیعت خراب ہوگئی اور اسے نشتر اسپتال علاج کیلیے بھیجا گیا

طالبہ نے اسپتال میں زیرعلاج رہنے کی دستاویزات اور واٹس ایپ پیغامات بھی بطور ثبوت درخواست کے ساتھ منسلک کیے ہیں، عدالت نے درخواست پر کارروائی کے احکام جاری کرد یے

ذرائع کے مطابق خفیہ ایجنسی نے بھی اس جنسی اسکینڈل کے حوالے سے اعلیٰ حکام کو رپورٹ بنا کر آگاہ کیا ہے جبکہ ایم پی اے کی جانب سے معاملہ ختم کرنے کے لیے 7 کروڑ روپے تک کی مبینہ آفر بھی کی گئی ہے

متاثرہ طالبہ کی جانب سے مجسٹریٹ کو درخواست دیے جانے کے بعد ملزم ایم پی اے نجی ایئرلائن کی پرواز سے شارجہ فرار ہو گیا ہے